بزاف ناس تقصاو بسبب أخطاء بسيطة تافهة 🥶
خويا اقرا النصائح للنهاية، تنفعك وتنفع غيرك… وشاركها!
🔹 1. كشف النقاط الأخير للسنة ثالثة ثانوي
• إذا مكتوب فـيه “ناجح” أو فـيه “معدل الباك”
👈 متقدرش تشارك، تتعرض للإقـ،ـصاء.
• إذا مكتوب فـيه “راسب” أو ما فيه حتى ملاحظة
👈 تقدر تشارك عادي.
• إذا ما عندكش كشف نقاط نهائيا
👈 للأسف متقدرش تشارك.
(العام الجاي عاود الباك احرار واحتفظ بكشف النقاط وشهادة اثبات المستوى، كل عام يفتحو المسابقة)
⛔ المشاركة بكشف نقاط مكتوب فـيه “ناجح” أول كشف الباك = إقصـ،ـاء نهائي وما تقدرش تدير طـ،ـعن من بعد.
📌 مثال من العام لي فات: مكانش زر لتحميل ملف الطعن، كان مجرد كتابة فقط (شوف الصورة تحت).
…
🔹 2. الاستمارة :
⛔ لازم ترفقها كاملة (الوجهين مع بعض)
📥 رابط التحميل وكفاش تعمرها من هنا :
…
🔹 3. معلوماتك الشخصية :
⛔ تأكد من الاسم، اللقب، تاريخ الميلاد… أي خطأ ما تقدرش تصلحو، ومن بعد حارس المركز مايخليكش تدخل تجتاز المسابقة.
📥 طريقة التسجيل خطوة بخطوة من هنا :
…
🔹 4. لي دار الباك بالمراسلة :
✅ يخرج إثبات المستوى + كشف النقاط ويشارك عادي.
…
🔹 5. بطاقة التعريف :
• تكون من الجهتين (أمام + خلف)
• وتكون صالحة (ماشي منتهية)
⛔ ما تستناش حتى يفتح التسجيل وتتفكر بلي بطاقتك ميـ،ـتة 😐
…
🔹 6. الشهادة المدرسية :
• عندك شهادة قديمة؟ سجل بيها مؤقتا، ومن بعد كي يفتحو الادارات خرج وحدة جديدة (باه في حالة ماقبلولكش القديمة تقدر ترفع الجديدة).
⛔ تاريخ الخروج فيها مهم بزاف!
…
🔹 7. عندك وثيقة غير واضحة؟
سجل بيها وروح دير طلب على وحدة جديدة من الآن.
…
🔹 8. عندك وثيقة ناقصة؟
حط بلاصتها وثيقة أخرى مؤقتة (حل مؤقت)
(لكن مش كشف الباك ناجح‼️)
باش تقدر تكمل الملف وتدير طـ،ـعن إذا ترفض الملف.
…
🔹 9. مشكلة في الدخول للموقع؟
📌 اضغط على الإعدادات المتقدمة ثم “مواصلة” وراح تدخل عادي.
…
🔹 10. لا تسجل في آخر يوم!
⛔ العام لي فات، نهار الأخير الموقع عليه ضغط كبير ومافتحش بزاف مقدروش يسجلو 😵💫
سجل بكري وخلاص.
…
🔹 11. القوائم المنتشرة مؤخرا
⛔ راهي قوائم مراكز التصحيح مشي مراكز إجراء الامتحان، ما تخلطوش.
..
🔹 12. عندد استفسار أو مشكل؟ ولا خايف تغلط!
📩 راسل الصفحة، وراح نعاونوك بإذن الله.
(يرحم باباك ماتقوليش “ما عنديش شهادة مدرسية أول كشف النقاط” 😒 حذرت وقلتها ألف مرة خرجو وثائقكم قبل ما تغلق المدارس)
…
🔹 13. بالنسبة لشهادة مدرسية وكشف النقاط الاصليين
📌 كان يطلبوهم عليك الوزارة، قلهم “مانمدش الأصليين” 🌚
خبيهم عندك، دير فوتوكوبي، وابعث النسخ فقط.
(لي قرا في ثانوية ومعندوش كشف النقاط يقدرو يخدمولك شهادة ادارية، شوف الصورة تحت)
…
✅ نصيحة أخيرة :
•إذا ما عندكش كشف النقاط وشهادة مدرسية، العام الجاي سجل مراسلة (ثالثة ثانوي) وخرج إثبات المستوى كشف النقاط واحتفظ بيهم تحتاجهم في كل مسابقة.
…
✓ عودة الإدارات للعمل 26 أوت
✓ آخر أجل للتسجيل 28 أوت
📌 واخيرا تابع صفحتنا باش يوصلك الجديد :
✨ التقنية للخدمات المكتبية | Tech Library
#شبهطبي #تسجيلات_2025 #نصائحمهمة #مسابقةشبهطبي #Tech_Library #الوثائقالضرورية #تحضيرالملف #شروطالمشاركة
#مسابقةالتكوينالشبهطبي #توظيفالصحة #التسجيلاتالوطنية #الصحةفيالجزائر #المسابقاتالوطنية #التوظيفالجزائر #مسابقات2025 #اخبارالتوظيف #المجالالصحي #ممرضين #الشبهطبي #مدارسشبهطبية #وزارةالصحة #التسجيلاتالشبهطبية #قوانينالمسابقات #تحضيرالملفات #مسابقاتالتوظيف #فرصعمل #المسابقاتالوطنية2025 #مراكزالتكوين #الجزائر
