1️⃣ إذا خرجتلك هاد النافذة #حدثخطأغير_متوقع
(كما في الصورة) ما تقلقش 👌
الموقع عليه ضغط فقط، عاود المحاولة حتى يجيك إشعار “تم تسجيلك بنجاح”. (عاود حتى 1000 مرة عادي 😅) المشكل مشي من تيليفون ولا من الميكرو، المشكل من الضغط على الموقع.
__
2️⃣ تقدر تسجل عادي في طورين أو حتى 3
(ماستر يقدر يسجل في جميع الأطوار الثلاثة).
__
3️⃣ في حالة حبيت تسجل في اطوار مختلفة ماتبدل ايميل ماتبدل والو ارواح نعطيك فكرة شابة 👇
👈 اول حاجة اسم المستخدم في الاول دير اسمك ولقبك وولايتك مثلا
mohamedahmed16
وفي التسجيل الثاني اقلب الاسم واللقب فقط
Ahmedmohamed16
👈 ثاني حاجة الايميل :
عندك ايميل واحد دير بيه هاد الطريقة استعملها دائما في التسجيل وفعالة يوصلك الرمز في الايميل عادي
mohamedahmed@gmail.com
mohamedahmed+@gmail.com
mohamedahmed++@gmail.com
mohamedahmed+++@gmail.com
……..👆
شفت هاذو لي لفوق كامل راهم نفس الايميل كي تزيد (+)
الموقع يشوفها تغيير لكن تبقا توصل الرسائل في نفس الايميل بشكل عادي وطريقة فعالة ومجربة
4️⃣ الناس لي عندهم شهادات معادلة يقدرو يشاركوا عادي
مثال : عندك ديبلوم مكانش في التخصصات المطلوبة لكن شهادة المعادلة فيها بلي ديبلوم تاعك مثلا تقدر تخدم استاذ اجتماعيات ثانوي سجل بيها عادي،
دير الديبلوم + شهادة المعادلة (ترفقهم مع بعض).
__
5️⃣ أهم حاجة 👇
التسجيل لازم يكون دقيق وصحيح، مش شرط تسجل بكري، يتم دراسة كل الملفات سواء كنت الأول أو الأخير.
➡️ سجّل بعقلك، وراجع معلوماتك قبل ما تضغط “تأكيد”.
__
6️⃣ متنساش 👇
حمّل وصل التسجيل واحتفظ بيه(تطبعو ولا متطبعوش مافيه حتى فايدة فقط باه تقدر تدخل بيه للمنصة فيه إسم المستخدم وكلمة السر).
__
7️⃣ إشاعة ان التعاقد 3 أشهر ما عندها حتى أساس. 🚫
__
8️⃣ بالنسبة لتاريخ الشهادة والرقم راهم باينين
اكتب تاريخ المداولة والرقم اغلب الشهادات الجديدة يكون الفوق والقديمة يكون تحت
✳️ كنت عارف المعلومة رقم 3 تاع الايميل من قبل ولا أول مرة تعرفها، شاركنا رأيك 😁
🌱 شارك المعلومات مع اصدقائك للاستفادة
✨ التقنية للخدمات المكتبية | Tech Library
#التعاقد #منصةالتعاقد #وزارةالتربية #مسابقةالأساتذة_2025 #التوظيف #التوظيففيالتربية #التعليم #الوظيفةالعمومية #الأساتذة #التسجيلات #التوظيف2025 #التعليمفيالجزائر #خطأ #غيرمتوقع #الشهادة
